Hindi ko rin alam kung bakit ko to pinost. Di naman to coleenloveliam.tumblr.com. Liam love janiza nga title ng blog diba. Ewan ko ba parang mixed emotions ang naramdaman ko nung una ko tong nakita. Masaya ako. Masaya ako para sayo. Para sa inyo. Masaya ako kasi nakahanap ka na ng iba. Na kung saan mas masaya ka. Mas liligaya ka. Mas iingatan ka. Mas mamahalin ka. Mas magpapahalaga sayo. Mas gusto mo. Mas comportable ka. Mas okay kaysa sa nauna. Mas pinili mo… At mas hindi mo masasaktan. Goodluck sa pangliligaw mo sa kanya. Sana maging masaya ka. Kayo. At yung mga tao sa paligid niyo. Hindi naman ako naiinis. Dahil ngayon, tanggap ko na lahat. Kailangan ko ee. Kailangan ko lang talaga tanggapin. Tanggapin na hindi ka na masaya sa akin. Tanggapin na may iba ng tinitibok yang puso mo. Tanggapin na mas okay nga siya. Tangappin nga na mas pinili mo siya.

Tanggap ko na lahat yun. Tanggap ko. Ilang months na rin naman na ang nakalipas. Sa tagal tagal na panahon na yun. Araw araw ako napapaisip, ano kaya mangyayari kung mahal pa rin ako ni Liam ngayon.

Wala rin naman akong sinisisi sa mga nangyari. Hindi ko kailangan magpatawad dahil wala akong ginawang mali. Hindi mo kailangan magpatawad dahil sinundan mo lang naman ang tinitibok at sinasabi ng puso’t isipan mo.

Hindi na rin ako muling maghahabol. Hindi ka naman nagpapahabol ee. Para saan pa diba? Pagod na rin akong pagurin yung sarili ko. Kaya eto. Kuntento na ko sa lahat ng mga nagdaang pangyayari. Ee kung yun naman talaga ang plano ng Diyos, wala na tayo magagawa.

Masaya ako. Masaya talaga ako.

Masaya ako sa lahat ng mga nangyari. Masama man o magandang nakaraan. At least may nakaraan. Naging bitter ako? Tama lang yun, walang mali dun dahil nasaktan ako nung una.

Naging bitter ako dahil nagmahal lamang ako ng tama.

8/20/11